بغداد- “ساحات التحرير”
نشر الصحافي والكاتب العراقي مشرق عباس على صفحته في الفيسبوك.. الكلمة التالية:
خصم الحچي ..
حبيبي .. ادري بيك متوهم وهذا مو عيب تتعلم .. حزب الله وضعة مختلف وتاريخة مختلف وتاريخ لبنان كلهة مختلف وطبيعة المجتمع مختلفة .. فقبل متتصور الحياة كوبي بيست وتجيب كم واحد من (المنار) و (الاخبار) حتى يسقطون بالمدنيين العراقيين الشرفاء بطريقة (شيعة السفارة) تذكر شي مهم .. لبنان او انصار الحزب هناك الان عايشين مرحلة صدام حسين .. اللي احنا عشناها وخلصنا وتخرجنا وكعدنا ببيوتنا من وراها .. فاهم؟ أكيد لا .. يعني قبل متسوي هذي الحنقبازيات اللي احنا نعرف واحد واحد منو سواها واشتغلها ونشرها بس لان مو اخلاق سز مثلكم ومو طريقنا التشهير والتهديد والعلس والصك ..انتة مو نصر الله حبيبي .. نصر الله صار بالعراق ومات وانتهينا خلي اخوانا انصار الحزب بلبنان يستمتعون بيه .. وانتة مو خامنئي .. ولا سليماني .. كل بلد الة ظروفه ووقتة .. وكل مجتمع يجي يوم ويفتهم .. فاذا شعرة مست مدني بالعراق بعد اللي سويتوه انتو وخدامكم من كتاب الملاهي والروليت .. راح نحمل هذي الشعرة برقبتكم .. صارت .. ونتمنى متصير بعد .. لان شرعية كل الحكم بالعراق امام العالم وان يتحول الى حكم دكتاتوري وارهابي هو المدنيين ووجودهم فقط .. فاكعدوا وية جماعتكم وهدوا اللعب وعيب انتو ابناء العراق العظيم لتقلدون غيركم !
LEAVE A COMMENT