سمعة الدولة هالاسبوعين صارت بالارض

كتب الصحافي العراقي سرمد الطائي في صفحته على الفيسبوك:

الجنون اخطر من الفساد وسمعة الدولة هالاسبوعين صارت بالارض.. وتضحياتكم بالموصل تضيع بصواريخ وطيارات مسيرة ومدري شنو

كل سنة نكثر مليون نسمة ما شا الله،
والدولة ما تخاف من شبابنا العقلاء وانما تخاف من شبابنا الحمقى والمخابيل،
والنتيجة سواد وجه للعقلاء والمخابيل والدولة،
تناقض يشبه تناقض رغبات صدام حسين، كان الرجال عراقي كلش كلش، يشبه كثير من شبابنا،
شلون؟


بعض الشباب العراقيين ميليشيات، شغلتهم الحقيقية يضعفون الدولة ويخلوها بلا كرامة ولا مهابة امام العالم،
بعدين نفسهم احيانا كافراد يتظاهرون يطلبون من الدولة ان تصبح قوية، ويطلبون حقوق،
ويستمر التناقض، نكسر هيبة الدولة ونخلي المستثمر والخبير وصاحب المعرفة التكنولوجية والصناعية
الاجنبي يخاف من العراق، ويعتبره بلد ميليشياوي،
ونخسر الاف فرص العمل شهريا حسبب الاحصاءات، بسبب هذا الاستهتار الميليشياوي والشعبوي احيانا،
وشعبنا يكبر مليون نسمة كل سنة،
صرنا هسة اربعين مليون، ما يكفينا نفط بلا صناعة واستثمار وتكنولوجيا متقدمة من الاصدقاء،
بس بعض شبابنا يصرون ان نبقى بلا اصدقاء ويضعفون الدولة،
المصيبة ان الدولة ما تخاف من شبابنا العقلاء، بس تخاف من شبابنا الحمقى والمخابيل،
هالاسبوعين سمعة الدولة صارت بالارض والصحافة الدولية تعتبرنا ارض ميليشات رسمية،
كل تضحياتنا بالموصل تتبخر والعالم ينساها تدريجيا، كنا نقاتل تنظيم ارهابي ونحصل احترام العالم، وهسة وصلنا مرحلة نطلق صواريخ بكل اتجاه وبكل حماقة صدامية ايرانية سورية قذافية الخ…

لو عقلية صدام الحمقاء تنتصر لو الدولة العاقلة، والا راح نبقى ميتين جوع مية سنة اخرى،
الحماقة اخطر من الفساد،
شلون قصة هاي؟

Related Posts

LEAVE A COMMENT

Make sure you enter the(*) required information where indicated. HTML code is not allowed